Երևանի քաղաքապետարանը, կարևորելով Երևանում զբոսաշրջիկներին և քաղաքացիներին տեղեկատվական աջակցություն տրամադրելու հանգամանքը, 2018 թվականին ստեղծել է զբոսաշրջային տեղեկատվական աջակցության և քաղաքացիների սպասարկման կենտրոններ։
Տեղեկատվական կենտրոնների նպատակը Հայաստանի և օտարերկրյա քաղաքացիներին աջակցելն է՝ տրամադրելով տեղեկատվություն քաղաքում կողմնորոշվելու, քաղաքի զբոսաշրջային ենթակառուցվածքների, քաղաքապետարանի կողմից մատուցվող ծառայությունների վերաբերյալ։ Զբոսաշրջային տեղեկատվական աջակցության և քաղաքացիների սպասարկման կենտրոններում այցելուները կարող են անվճար ստանալ բազմալեզու քարտեզներ, ուղեցույցներ, տեղեկատուներ թանգարանների, էքսկուրսիոն ծրագրերի, «Երևան սիթի տուրի» և քաղաքապետարանի ծառայությունների մասին։ 
Կենտրոնների աշխատանքը համակարգում է Երևանի քաղաքապետարանի տուրիզմի բաժինը։
Զբոսաշրջային տեղեկատվական աջակցության և քաղաքացիների սպասարկման կենտրոններն աշխատում են հետևյալ ժամանակացույցով՝
Երկուշաբթի – շաբաթ՝ ժամը 10:00 - 18:00-ն:
Հասցեներ.
• Նալբանդյան 2/1 («Հանրապետության հրապարակ» մետրոյի կայարանի այգում),
• Բաղրամյան 2/5 (Ֆրանսիայի հրապարակում):