«Գրիգոր Նարեկացի» բժշկական կենտրոնը բազմապրոֆիլ բժշկական հաստատություն է՝ մատուցվող ծառայությունների մեծ շրջանակով:
«Գրիգոր Նարեկացի» բժշկական կենտրոնի գործունեությունն ուղղված է բնակչության առողջության պահպանմանը, հիվանդությունների կանխարգելմանը, ախտորոշմանը և բուժմանը։ Կենտրոնի աշխատանքը կազմակերպվում է բազմապրոֆիլ կառուցվածքի շրջանակում՝ ապահովելով բժշկական տարբեր ուղղությունների և մասնագիտացված ծառայությունների փոխկապակցված գործունեությունը։
Բժշկական կենտրոնը հագեցած է նորագույն բժշկական սարքավորումներով, նորոգված է ժամանակակից պահանջներին համապատասխան և համալրվում է բարձր որակավորման մասնագետներով, որոնք վերապատրաստվել են արտերկրի առաջատար բժշկական ուսումնական հաստատություններում։
«Գրիգոր Նարեկացի» բժշկական կենտրոնում իրականացվում է հիվանդանոցային, արտահիվանդանոցային (ամբուլատոր-համաբուժարանական) բժշկական օգնություն և սպասարկում, նորագույն բուժսարքավորումներով լաբորատոր-գործիքային հետազոտությունների մեծ ծավալ և ախտորոշում։
Բժշկական կենտրոնի հիմնական խնդիրը բնակչությանը բժշկական բարձրորակ օգնություն մատուցելն է՝ կիրառելով առողջապահական ոլորտի վերջին նվաճումները։ Այստեղ նպատակ է դրված բարձրացնելու նաև բուժաշխատողի հեղինակությունը հանրության շրջանում` մատուցելով բարձրակարգ բուժօգնություն։
Կենտրոնը Երևանի պետական բժշկական համալսարանի և մի շարք այլ բժշկական ուսումնական հաստատությունների ուսանողների ուսուցման կլինիկական հենքն է։
 
1. Արտահիվանդանոցային բուժօգնություն
 
Կենտրոնի ամբուլատոր-պոլիկլինիկական ծառայությունում բնակչությանը տրամադրվում է պետության կողմից երաշխավորված անվճար արտահիվանդանոցային բժշկական օգնություն և սպասարկում:
  Կառուցվածքում գործում են՝
• Կանանց խորհրդատվություն
• Մանկահասակների ամբուլատոր-պոլիկլինիկական ծառայություն
• Մեծահասակների ամբուլատոր-պոլիկլինիկական ծառայություն և նեղ մասնագիտական կաբինետներ։
Արտահիվանդանոցային օգնության շրջանակներում բնակչությանը տրամադվող անվճար բուժօգնությունն ընդգրկում է՝

1.1 Առողջության առաջնային պահպանման ծառայություններ
• Թերապևտիկ
• Մանկաբուժական
1.2 Նեղ մասնագիտական կաբինետներ
• Նյարդաբանական
• Վիրաբուժական
• Քիթ-կոկորդ-ականջաբանական
• Ներզատաբանական
• Գաստրոէնտերոլոգիական
• Վարակաբանական
• Ուռոլոգիական
• Սրտաբանական
• Թոքաբանական
• Մաշկավեներաբանական
• Ակնաբուժական
• Ուռուցքաբանական
• Արյունաբանական
• Վերականգնողական
 1․2 «Գրիգոր Նարեկացի» բժշկական կենտրոնում գործում է հետևյալ  գործիքային-ախտորոշիչ ծառայությունները՝ 
• Ռենտգենդիագնոստիկ ծառայություն
• Համակարգչային տոմոգրաֆիկ ծառայություն
• Ուլտրաձայնային դիագնոստիկ ծառայություն
• Ֆունկցիոնալ ախտորոշման ծառայություն
1․3 «Գրիգոր Նարեկացի» բժշկական կենտրոնում գործում է ներհիվանդանոցային դեղատուն։

2. Հիվանդանոցային բուժօգնություն
 
2.1 Մանկաբարձական բաժանմունք

Բաժանմունքը հագեցած է ժամանակակից բժշկական սարքավորումներով, իսկ մեկտեղանի և երկտեղանի հիվանդասենյակները համապատասխանում են ժամանակակից չափանիշներին: Պետական պատվերի շրջանակում ծննդաբերներին և ծննդկաններին տրամադրվում է բարձրակարգ ծննդօգնություն, ծննդաբերի ցանկությամբ կազմակերպվում է նաև ծննդաբերություն առանց ցավի:
 
Բաժանմունքի վարիչ՝ Արման Վաչիկի Մարգարյան 
Հեռ.` (015) 55-05-50
 
2.1.1 Մանկաբարձական բաժանմունքի հղիների ախտաբանության ծառայություն
Կազմակերպվում է բնականոն ընթացող հղիություն ունեցող կանանց, ցածր, միջին և բարձր ռիսկի հղիների հիվանդությունների ախտորոշում և բուժում ժամանակակից չափորոշիչներին համապատասխան։
  
2.2 Գինեկոլոգիական բաժանմունք
Գինեկոլոգիական բաժանմունքում իրականացվում է արգանդի ներովայնամիզային կամ հեշտոցային էքստիրպացիա, վերհեշտոցային ամպուտացիա, կոնսերվատիվ միոմեկտոմիա, արգանդի վենտրոֆիքսացիա, ծնվող միոմատոզ հանգույցի հեռացում, ձվարանի բշտի (կիստ) հեռացում, ադնեքսէկտոմիա, լաբորոսկոպիական վիրահատություն հավելումների վրա, հեշտոցի պատերի և շեքիպլաստիկա, արգանդի պարանոցի ամպուտացիա, վիրահատություն անմիզապահության ժամանակ, բարտոլինյանգեղձի կիստայի հեռացում, հեշտոցի փոքր վիրահատություններ /գարդներյան ծորանի բուշտ (կիստա) և այլն/, հեշտոցի պատերի պատռվածքներ /պոստկոիտալ, տրավմատիկ/, արգանդի պարանոցի կոնիզացիա, հղիության արհեստական ընդհատում, կոնսերվատիվ գինեկոլոգիա, արգանդի պարանոցի ԴԵԿ, ներարգանդային պարույրի տեղադրում։
 
Բաժանմունքի վարիչ՝ բ.գ.թ. Աշոտ Սարգսյան
Հեռ.` (015) 55-05-50
 
2.3 Մանկաբուժական բաժանմունք
Իրականացվում է սուր և քրոնիկական բրոնխաթոքային հիվանդությունների՝ լարինգոտրախեիտների, կրկնվող բրոնխիտների, թոքաբորբերի, բրոնխիալասթմանների բուժում։ Ցուցաբերվող բուժօգնությունը համալրվում է ժամանակակից լաբորատոր-ախտորոշիչ հետազոտություններով: Մասնագետների մեծ մասը վերապատրաստվել է արտերկրի առաջնակարգ կլինիկաներում։
 
Բաժանմունքի կլինիկական ղեկավար՝ ՀՀ առողջապահության նախարարության գլխավոր
մանկականան էսթեզիոլոգ-ռեանիմատոլոգ Հրանտ Կալանտերյան
Բաժանմունքի վարիչ՝ Մարգարիտա Ռոբերտի Աճեմյան
Հեռ.` (015) 55-05-50
 
2.4 Նորածնային բաժանմունք
Բաժանմունքում իրականացվում է առողջ և ախտաբանությամբընթացող նորածինների հսկողություն՝ ժամանակակից չափորոշիչներին համապատասխան, ինտենսիվ թերապիա և վերակենդանացում։
 
 
Բաժանմունքի վարիչ՝ Նարինե Բենիամինի Հովհաննիսյան
Հեռ.` (015) 55-05-50

 
2.5 Ընդհանուր վիրաբուժական բաժանմունք
Ընդհանուր, որովայնային և ռեկոնստրուկտիվ պլաստիկ վիրաբուժության կենտրոնը տարածաշրջանում բարդ և ռեկոնստրուկտիվ վիրահատությունների իրականացման առաջատարն է: Վիրահատությունները կատարվում են ինչպես բաց, այնպես էլ լապորասկոպիական եղանակներով: Կենտրոնում իրականացվում են վահանաձև գեղձի, կրծքագեղձի, կերակրափողի և ստոծանու, ստամոքսի և 12-մատնյա աղու, աղիների և որովայնի խոռոչի, լյարդի, լեղուղիների, ենթաստամոքսային գեղձի, ճողվածքների, փայծաղի և պրոկտոլոգիական վիրահատություններ:
Ընդհանուր վիրաբուժական բաժանմունքում գործում են հետևյալ ծառայությունները՝
-    Ընդհանուր վիրաբուժական ծառայություն
-    Վնասվածքաբանական ծառայություն
-    Ակնաբուժական ծառայություն
-    Էնդոսկոպիական ծառայություն
-    Անոթային վիրաբուժության ծառայություն
-    Ուրոլոգիական ծառայություն 
 
Բաժանմունքի վարիչ՝ բ.գ.թ․ Արման Համլետի Դավթյան 
Հեռ.` (015) 55-05-50
 
2.6 Դիմածնոտային և պլաստիկ վիրաբուժության և Քիթ-կոկորդ-ականջաբանության բաժանմունք
Բաժանմունքում ախտորոշվում և բուժվում են ՔԿԱ և դիմածնոտային ախտաբանությամբ բազմաթիվ հիվանդներ՝ կիրառելով հիվանդությունների ախտորոշման մի շարք ժամանակակից մեթոդներ.
Որպես արդի բազմաճյուղ բուժկենտրոնի բաժանմունք՝ այստեղ շուրջօրյա իրականացավում է մեծահասակ և մանկահասակ բնակչության մասնագիտացված քիթ-կոկորդ-ականջաբանական և դիմածնոտային հիվանդությունների բուժում։ Քթի, կոկորդի, ականջի սուր և քրոնիկական թարախաբորբոքային հիվանդությունների, օտար մարմինների, վնասվածքների, արյունահոսությունների և այլ բնույթի ախտաբանական փոփոխությունների ժամանակ հիվանդների շրջանում իրականացվում են համապատասխան ախտորոշիչ-բուժական միջոցառումներ՝ օգտագործելով ժամանակակից նորագույն մեթոդներ։
Մասնագետների բարձր պրոֆեսիոնալիզմը, բժիշկների գործնական փորձը, բուժման և վիրաբուժական միջամտությունների ժամանակակից մեթոդները հնարավություն են տվել իրականացնելու քիթ-կոկորդ-ականջաբանական և դիմածնոտային հիվանդությունների ժամանակ բարդ ռեկոնստրուկտիվ պլաստիկ վիրահատություններ /բնածին և հետվնասվածքային ձևափոխություն, ուռուցքների ոսկրերի և փափուկ հյուսվածքների թերությունների ժամանակ/: Բաժանմունքի կարևոր ձեռքբերումներից է դեմքի բնածին արատների՝ շրթունքի և քիմքի բնածին ճեղքվածքների (նապաստակի շրթունք, գայլիերախ) վիրահատական բուժման դրական արդյունքները, երբ վերականգնվում է արատավոր օրգանի և՛ տեսքը, և՛ գործառույթը: Բաժանմունքը ուսումնական հենք է Երևանի պետական բժշկական համալսարանի համար:
 
Մանկական և մեծահասակների քիթ-կոկորդ-ականջաբանության ծառայության ղեկավար՝ Վարսենիկ Սամվելի Հովհաննիսյան
Հեռ.` (015) 55-05-50

 
2.7 Վիրահատարան, վերակենդանացման և անեսթեզիոլոգիայի բաժանմունք
Գրիգոր Նարեկացի բժշկական կենտրոնի վերակենդանացման և անեսթեզիոլոգիայի բաժանմունքում վիրահատված բոլոր հիվանդները գտնվում են բուժանձնակազմի խիստ և հոգատար հսկողության ներքո: Անզգայացումն իրականացվում է ցավազրկման ժամանակակից մեթոդներով: Բաժանմունքում իրականացվում է նաև ծննդաբերություն առանց ցավի: Ինտենսիվ հսկողության սրահները կահավորված են վերակենդանացման ժամանակակից սարքավորումներով, հիվանդի հսկողության մոնիտորներով և այլ անհրաժեշտ բժշկական սարքավորումներով:
 
Բաժանմունքի վարիչ՝ Վահե Ավետիքի Մայիլյան

2.8 Լաբորատոր-ախտորոշիչ ծառայություն
«Գրիգոր Նարեկացի» բժշկական կենտրոնն իրականացնում է լաբորատոր-ախտորոշիչ ՝ ժամանակակից անալիզատորներով և բժշկական գործիքներով. Ձեռք բերված ժամանակակից սարքավորումները, երաշխավորում են հետազոտությունների և, հետևաբար, հիվանդությունների ախտորոշման ճշգրտությունը։
 
Ծառայության ղեկավար՝ Հրանուշ Հարությունյան։
2.8.1 ԼԱԲՈՐԱՏՈՐ ՔՆՆՈՒԹՅՈՒՆՆԵՐ

• Ընդհանուր կլինիկական
• Բիոքիմիական
• Սերոլոգիական
• Բակտերիոլոգիական
• Ցիտոլոգիական

«Գրիգոր Նարեկացի» բժշկական կենտրոնն իր գործունեությունն է ծավալում հետևյալ հասցեներում՝ 
«Գրիգոր Նարեկացի» ԲԿ ՓԲԸ
 - ք. Երևան, Նոր Արեշ 22փ., 63/1,

«Գրիգոր Նարեկացի» ԲԿ ՓԲԸ «Նուբարաշեն» պոլիկլինիկա ստորաբաժանում
 -  ք. Երևան, Նուբարաշեն, Չնքուշի փ., 4 շենք

«Գրիգոր Նարեկացի» ԲԿ ՓԲԸ Ախտաբանաանատոմիական բաժանմունք
  - ք. Երևան, Էրեբունի Դավիթ Բեկի փ., 83/12,  

«Գրիգոր Նարեկացի» ԲԿ ՓԲԸ Համակարգչային տոմոգրաֆիայի «Մալաթիա» մասնաճյուղ 
 - ք. Երևան, Մալաթիա-Սեբաստիա, Անդրանիկիփողոց 5/9

 
Տնօրեն` բժշկական գիտությունների թեկնածու Լևոն Գրիգորյան
Հասցե` ք. Երևան, Նոր Արեշ 22-րդ փողոց 63/1
Էլեկտրոնային փոստ ` grigornarekatsi@mail.ru
Կայք` www.gnclinic.am
Հեռ.` (015) 55-05-50