Երևանի քաղաքապետի տեղակալ Լևոն Հովհաննիսյանը մասնակցել է ՄԱԿ Զբոսաշրջության Գինու զբոսաշրջության 8-րդ համաշխարհային համաժողովի պաշտոնական բացմանը: Իր ելույթում քաղաքապետի տեղակալն ընդգծել է, որ համաժողովը գիտելիքի և փորձի փոխանակման, նոր հորիզոնների բացահայտման ու զարգացման կարևոր հարթակ է: 

Հարգելի՛ քաղաքացիներ, մայրաքաղաքում տրանսպորտային հոսքերի անցանելիությունն ավելացնելու նպատակով սեպտեմբերի 12-ից նախատեսվում է Իսակովի պողոտա – Աթենքի փողոց – Հաղթանակի կամուրջ խաչմերուկում երթևեկության կազմակերպման փոփոխություն:

Երևանում այս տարի կփոխարինվի 500 վերելակ: Գործընթացն իրականացվում է երկու փուլով:  Նոր վերելակները հագեցած են անվտանգության տարբեր համակարգերով: Դրանք հարմարեցված են նաև սահմանափակ կարողություններով անձանց համար: 

Երևանը առաջիկա տարիներին կզարգանա հաստատված նոր գլխավոր հատակագծով. 3-րդ նստաշրջանի 1-ին  նիստում ավագանին հավանություն տվեց որոշման նախագծին: Կարևորագույն այս փաստաթուղթը մշակելու համար հավաքագրվել ու համադրվել են քաղաքում առկա անհրաժեշտ բոլոր տվյալները, որոնք էլ դարձել են հիմք՝ նախագիծը կյանքի կոչելու համար:

Հարգելի՛ քաղաքացիներ. Ճանապարհաշինարարական աշխատանքներով պայմանավորված՝ սույն թվականի սեպտեմբերի 10-ից մինչև սեպտեմբերի 30-ը՝ ժամը 23:00-ից մինչև 07:00-ն, փուլ առ փուլ միակողմանի փակ է լինելու Նար-Դոսի փ. – Վարդանանց փ. խաչմերուկից մինչև Նար-Դոսի փ. – Տիգրան Մեծի պ. խաչմերուկ եղած ճանապարհահատվածը, այնուհետև՝ հետադարձ ուղղությամբ: Երթևեկությունը իրականացվելու է հանդիպակաց ուղղության երթևեկելի մեկ գոտու հաշվին:

Երևանի Դավիթ Բեկի փողոցում «Գետառ» գետի վրայով անցնող ճանապարհահատվածի փլուզումից հետո մեկնարկել են վերականգնման աշխատանքները:  Ուսումնասիրությունների արդյունքում պարզ է դարձել, որ 82մ երկարությամբ կառույցը ոչ թե մասնակի, այլ ամբողջական վերակառուցման անհրաժեշտություն ունի: 

Հարգելի՛ քաղաքացիներ, Մայրաքաղաքում տրանսպորտային հոսքերի անցանելիությունն ավելացնելու նպատակով ս.թ.  սեպտեմբերի 12-ից նախատեսվում է Աբովյան և Իսահակյան փողոցների խաչմերուկից դեպի Կորյունի փողոց երթևեկող մեքենաների համար Աբովյան և Կորյունի փողոցների խաչմերուկում տեղադրել աջ լրացուցիչ սեկցիա:

Հարգելի՛ քաղաքացիներ, ս.թ. սեպտեմբերի 11-ին՝ ժամը 10:00-11:00-ի սահմաններում, Երևան քաղաքի Էրեբունի  վարչական շրջանի հ. 64 հիմնական դպրոցում գործարկվելու է էլեկտրաշչակ:

Մայրաքաղաքում շարունակվում է ճանապարհների միջին նորոգման ու ճաքալցման գործընթացը: Աշխատանքային հերթական խորհրդակցության ժամանակ քաղաքապետ Տիգրան Ավինյանը հանձնարարել է հաջորդ տարվա համար ևս 2024-ի ծավալներին մոտ աշխատանքներ նախատեսել:

Երևանի բոլոր վարչական շրջաններում ընտանի շների համար կառուցվում են հատուկ զբոսայգիներ: Նոր Նորք վարչական շրջանի նոր զբոսայգում ևս կլինի շների համար առանձնացված տարածք:

Մայրաքաղաքի ճարտարապետական տեսքը վերականգնելու նպատակով շենքերից հեռացվում են ինքնակամ տեղադրված  ալեհավաքներն ու տարատեսակ ծածկերը, վերացվում են կամայական կառույցները:   Ապօրինություններից զերծ մնալու պարտադիր պայմանը ընթացակարգով նախատեսված համապատասխան թույլտվություն ստանալն է:

Սեպտեմբերի 6-8-ը Երևանը կարդալու է. գրքի երևանյան միջազգային յոթերորդ փառատոնը միավորել է գրքասերներին, ընթերցողներին ու հրատարակիչներին:  Երևանի քաղաքապետարանը երկրորդ տարին անընդմեջ ստանձնել է փառատոնի գլխավոր հովանավորի դերը: Փառատոնի հիմնադիրը ՀՀ կրթության, գիտության, մշակույթի և սպորտի նախարարությունն է։