Երևանի քաղաքապետարանի աշխատակազմի շինարարության և բարեկարգման վարչության գործառույթները

Շինարարության և բարեկարգման վարչության 2025թ. ամփոփ գործունեությունը

 
 2025 թվականին վարչությունն իրագործեց քաղաքի համար կենսական նշանակություն ունեցող մի շարք  ծրագրեր, ինչպիսիք են՝ մայրաքաղաքի 12 վարչական շրջաններում փողոցների ասֆալտապատումը, փոսային նորոգումը, միջին նորոգումը, հիմնանորոգումը, թեքահարթակների կառուցումը, Նորք-Մարաշը Սարալանջի փողոցին կապող այլընտրանքային ճանապարհի կառուցումը, Երևանի Աճառյան փողոցի վերջնամասից դեպի Աբովյանի ճանապարհային ոստիկանության հենակետ ճանապարհահատվածի արտաքին լուսավորության ցանցի հիմնանորոգումը, Ալեքսանդր Սպենդիարյանի անվան օպերայի և բալետի ազգային ակադեմիական թատրոնի շենքի գեղարվեստական լուսավորության արդիականացումը, Երևանի Մեսրոպ Մաշտոցի անվան Մատենադարանի հարակից թեք լանջից քարաթափումների կանխարգելումը, վթարային շենքերի և շինությունների հետազոտումը: 
Մեկնարկել են Շենգավիթ վարչական շրջանի Բագրատունյաց 44 հասցեում «Երևանի Էլեկտրատրանսպորտ» ՓԲԸ-ի պարսպի վերակառուցման և նորերի կառուցման, Երևանի Մալաթիա-Սեբաստիա վարչական շրջանի Լենինգրադյան փողոցի N16 հասցեի վարչական շենքի՝ որպես կառավարման կենտրոնի վերակառուցման /«Երևանտրանս» ՓԲԸ/, «Երևանի աղբահանություն և սանիտարական մաքրում» համայնքային հիմնարկի արտադրական մասնաշենքի հիմնանորոգման աշխատանքները /2025-2026թթ./: 

Վարչության 2025թ. ծրագրով  բարեկարգվել են Երևանի վարչական շրջաններում գտնվող այգիները, մասնավորապես. 

•     Մալաթիա-Սեբաստիա վարչական շրջանի Հայրենական մեծ պատերազմում տարած հաղթանակի 40-ամյակին նվիրված զբոսայգում առկա խորքային հորի վերաբացումը և նոր հորատանցքի կառուցումը
•     Նոր Նորք վարչական շրջանի Վերածննդի այգու բարեկարգումը
•    Դավթաշեն վարչական շրջանի 1-ին և 2-րդ թաղամասերի միջև գտնվող կենտրոնական այգու բարեկարգումը
•     Նոր Նորք վարչական շրջանի սբ. Սարգիս եկեղեցու և Դ. Բեկ փողոցի միջնամասի այգու բարեկարգումը:

Վարչության 2025թ. ծրագրերով իրականացվել են 12 վարչական շրջաններում գտնվող մսուր-մանկապարտեզների հիմնանորոգման, վերակառուցման և բակերի բարեկարգման աշխատանքներ, մասնավորապես. 

•    Արաբկիր վարչական շրջանի հ. 26 մանկապարտեզի տանիքի հիմնանորոգումը
•    Էրեբունի վարչական շրջանի հ. 74 մանկապարտեզի վերակառուցումը
•    Մալաթիա-Սեբաստիա վարչական շրջանի հ. 77 մանկապարտեզի վերակառուցումը
•    Շենգավիթ վարչական շրջանի հ. 138 մանկապարտեզի վերակառուցումը
•    Կենտրոն վարչական շրջանի հ.15 մանկապարտեզի բակի բարեկարգումը
•    Աջափնյակ վարչական շրջանի հ. 47 մանկապարտեզի բակի բարեկարգումը
•     Էրեբունի վարչական շրջանի հ.61, 63, 74 մանկապարտեզների բակերի բարեկարգումը
•     Մալաթիա-Սեբաստիա վարչական շրջանի հ.76, 81, 88, 90, 77, 82 մանկապարտեզների բակերի բարեկարգումը: Մեկնարկել են 77, 82 մանկապարտեզների բակերի բարեկարգման աշխատանքները /2025-2026թթ/
•    Նոր Նորք վարչական շրջանի  հ.109, 110, 112  մանկապարտեզների բակերի բարեկարգումը 
•    Շենգավիթ վարչական շրջանի հ.135, 138 մանկապարտեզների բակերի բարեկարգումը
•    Քանաքեռ-Զեյթուն վարչական շրջանի հ.161 մանկապարտեզի բակի բարեկարգումը /2025-2026թթ./
•    Երևանի 12 վարչական շրջանների մանկապարտեզներում «Հրատապ» լուծում պահանջող խնդիրների կարգավորման ծրագրերով Ավան վարչական շրջանի հ. 51, 52, 53, 57 մանկապարտեզներում վերանորոգվել են խմբասենյակներ:

Վարչության 2025թ. ծրագրով  Երևանի մի շարք վարչական շրջաններում կատարվել է  286 580.83 քմ տարածքի միջին նորոգում.

1.    Էրեբունի վարչական շրջանում՝ 56724 քմ
2.    Նոր Նորք վարչական շրջանում՝ 81663 քմ
3.    Մալաթիա-Սեբաստիա վարչական շրջանում՝ 56152.25 քմ
4.    Արաբկիր վարչական շրջանում՝ 74925.58 քմ
5.    Դավթաշեն վարչական շրջանում ՝ 17116 քմ: