Փակել
Շինարարության և բարեկարգման վարչության 2022թ. ամփոփ գործունեությունը
Ազատություն-Դավիթ Անհաղթ փողոցներ խաչմերուկի ստորգետնյա հետիոտնային անցման, Սայաթ-Նովայի անվան երաժշտական դպրոցի շենքի, ինչպես նաև 4 դասասենյակների վերանորոգման, Շենգավիթ վարչական շրջանի համալիր մարզաձևերի մանկապատանեկան մարզադպրոցի հիմնանորոգման (ներառյալ տանիքի վերանորոգում), Թեյշեբաինի 8/8 հասցեում վարչական շենքի կառուցման, Մարշալ Բաբաջանյան փողոցի մայթի կառուցման, Բագրատունյաց փ. «Երևան Սիթի»-ի հարևանությամբ գտնվող վերգետնյա հետիոտնային անցման ապամոնտաժման, Աշտարակի խճուղու արտաքին լուսավորության ցանցի բարելավման, Արշակունյաց պողոտա-Արտաշատի խճուղի և Բաբաջանյան-Դավթաշեն-Աշտարակի խճուղու ճանապարհահատվածների սպասարկման, Երևանի Զովունու խճուղու հարակից տարածքի ոռոգման ցանցի վերանորոգման, Օղակաձև այգում «Նեմեսիս» հուշարձանի հարակից տարածքի բարեկարգման, Նոր Արաբկիր զբոսայգու «Արագիլներ» կոմպոզիցիայի պատվանդանի սալիկների նորոգման, Երևան քաղաքի Արաբկիր վարչական շրջանի հ.28 մանկապարտեզի սանհանգույցների մասնակի վերանորոգման, Ֆրիտյոֆ Նանսենի թանգարանի վերանորոգման, Oպերայի հարակից տարածքի ցանկապատի նորոգման, Հանրապետության հրապարակի արտաքին լուսավորության մալուխագծերի փոխարինման աշխատանքներ:
Շահագործման են հանձնվել մի շարք կարևորագույն օբյեկտներ, ինչպիսիք են՝ «Հաղթանակ» զբոսայգու «Սահմանապահների ծառուղին», «Հանրապետության հրապարակ» մետրոյի կայարանի քարե շինությունը, Երևանի «Երևանտրանս» ՓԲԸ տարածքում փակ ավտոլվացման կետի և տեխնիկական սպասարկման արհեստանոցները, «Նոր Արաբկիր» զբոսայգին:
2022թ. ավարտվել է.
Դավթաշեն վարչական շրջանի հ.58, Աջափնյակ վարչական շրջանի հ.36 մանկապարտեզների հիմնանորոգումը և բակերի բարեկարգումը,
Աջափնյակ վարչական շրջանի 49 մանկապարտեզի հիմնանորոգումը,Շենգավիթ վարչական շրջանի թիվ 146 մանկապարտեզի հիմնանորոգման աշխատանքները
Մալաթիա – Սեբաստիա վարչական շրջանի հ.82 մանկապարտեզի հիմնանորոգումը,
2022թ.շարունակական են եղել նաև մայրաքաղաքի 12 վարչական շրջաններում փողոցների և մայթերի ասֆալտապատման, փոսային նորոգման, հողե պաստառով ճանապարհների հիմնանորոգման, ինչպես նաև փողոցների մայթերի վերանորոգման (սալիկապատման), դիտահորերի կափարիչների ուղղման և նոր կափարիչների տեղադրման աշխատանքները, Երևանի կամուրջների և կամրջային կառուցվածքների շահագործման, սպասարկման ծառայությունների, վթարային շենքերի հետազոտման, ինչպես նաև մետաղական ճաղավանդակների տեղադրման ծրագրերը:
Շինարարության և բարեկարգման վարչության 2023թ. ծրագրերը
2022թ. մեկնարկել և 2023թ. շարունակվելու են Երևանի «Մհեր Մկրտչյանի անվան արտիստական թատրոն» ՀՈԱԿ-ի վարչական շենքի, հակահրդեհային հիդրանտների, Էրեբունի վարչական շրջանի հ.63 մանկապարտեզի, Շենգավիթ վարչական շրջանի համար 137, 147 և 143 մանկապարտեզների, Կենտրոն վարչական շրջանի հ.15, Մալաթիա-Սեբաստիա վարչական շրջանի հ.77 և 95 մանկապարտեզների, Դավթաշեն վարչական շրջանի հ.61 մանկապարտեզի, Աջափնյակ վարչական շրջանի հ.44 և հ.50 մանկապարտեզների հիմնանորոգումը, ինչպես նաև Արգիշտի 1 և Բուզանդի 1/3 շենքերի ֆոտովոլտային համակարգերի կառուցման, Հանրապետության հրապարակի մայթերի սալիկների վերանորոգման, Երևանյան լճի աջակողմյա ափամերձ տարածքի բարեկարգման, «Թիվ 5 պոլիկլինիկա» ՓԲԸ հիմնանորոգման և բակի բարեկարգման, Երևանի «թիվ 12 պոլիկլինիկա» ՓԲԸ-ի շենքի վերանորոգման, Աթենք փողոցում քարաթափումների կանխարգելման, Փակ շուկայի դիմացի ստորգետնյա հետիոտնային անցման հիմնանորոգման, Շենգավիթ վարչական շրջանի համալիր մարզաձևերի մանկապատանեկան մարզադպրոցի ֆոտովոլտային համակարգի տեղադրման, տիպային մարզահրապարակների կառուցման, հ.108 դպրոցի հարակից ֆուտբոլի դաշտի վերանորոգման, Հաղթանակի 40-ամյակի այգու բարեկարգման աշխատանքները:
Եվրոպական ներդրումային բանկի, Արևելյան Եվրոպայի Էներգախնայողության և շրջակա միջավայրի գործընկերության հիմնադրամի համաֆինանսավորմամբ ընթացքում են.
Շենգավիթ վարչական շրջանի հհ.135,138 մանկապարտեզների,
Արաբկիր վարչական շրջանի հհ. 22, 23 մանկապարտեզների,
Մալաթիա-Սեբաստիա վարչական շրջանի հ.81 մանկապարտեզի,
Նոր Նորք վարչական շրջանի հհ.109, 110 մանկապարտեզների,
Աջափնյակ վարչական շրջանի հ.48 մանկապարտեզի,
Քանաքեռ- Զեյթուն վարչական շրջանի հ.161 մանկապարտեզի,
Էրեբունի վարչական շրջանի հհ.71, 74 մանկապարտեզների
սեյսմիկ արդիականացման, էներգախնայողության բարելավման վերակառուցման աշխատանքները:
2023թ. շարունակական են լինելու նաև ամենամյա աշխատանքային ծրագրով նախատեսված՝ մայրաքաղաքի 12 վարչական շրջաններում փողոցների և մայթերի ասֆալտապատման, փոսանորոգման, ինչպես նաև փողոցների մայթերի վերանորոգման (սալիկապատման), Երևանի կամուրջների, ուղեանցերի, տրանսպորտային հանգույցների, վերգետնյա անցումների և կամրջային կառույցների շահագործման և պահպանման, վթարային շենքերի հետազոտման, ինչպես նաև մայրաքաղաքի փողոցներում եզրաքարերի վերանորոգման, մետաղական ճաղավանդակների ձեռքբերման և տեղադրման ծրագրերը: