ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Շինարարություն և բարեկարգում

Վարչության գործառույթներ

Երևանի քաղաքապետարանի աշխատակազմի շինարարության և բարեկարգման վարչության 2022թ. ծրագրերով իրականացվող աշխատանքներ

 

2022թ.-ին ներկայումս մայրաքաղաքի 12 վարչական շրջաններում ընթանում են փողոցների և մայթերի ասֆալտապատման, ինչպես նաև գրունտային ճանապարհների հիմնանորոգման աշխատանքները: Փողոցների պատշաճ մակարդակը պահպանելու նպատակով կատարվում են նաև ասֆալտ-բետոնե ծածկույթի փոսային նորոգման և ճաքալցման աշխատանքներ։
Բարեկարգվում են Հանրապետության Հրապարակի մետրոյի կայարանի վերգետնյա հատվածը (2-րդ փուլ), Հաղթանակի 40-ամյակի հուշահամալիրի այգին, Հրազդանի կիրճի «Նոր Արաբկիր» զբոսայգին:
Ընթանում են Սայաթ-Նովայի անվան երաժշտական դպրոցի վերանորոգման, Նուբարաշենի թունաքիմիկատների պահակակետի կառուցման, Շենգավիթ վարչական շրջանի համալիր մարզաձևերի մանկապատանեկան մարզադպրոցի մասնակի հիմնանորոգման, Մարշալ Բաբաջանյանի՝ Ծարավ Աղբյուր և Աճառյան փողոցների հատվածի մայթի կառուցման աշխատանքներ, նախատեսվում է նաև վերանորոգել Մհեր Մկրտչյան Արտիստական թատրոնը, ըստ անհրաժեշտության իրականացվում են հրատապ լուծում պահանջող վերականգնողական աշխատանքներ: Ընթացքի մեջ են նաև Երևան քաղաքում հակահրդեհային հիդրանտների հիմնանորոգման, Ազատության պողոտայի և Դավիթ Անհաղթ փողոցի հատման մասի ստորգետնյա հետիոտնային անցման հիմնանորոգման, «Երևանտրանս» ՓԲԸ-ի տարածքում ավտոլվացման կետի կառուցման, հ.49 և հ.48 մանկապարտեզների բակերի բարեկարգման աշխատանքերը:
Նախատեսվում է ՄԱԿ-ի հետ համագործակցության ծրագրի և Երևանի քաղաքապետարանի ծրագրի շրջանակներում հիմնանորոգման աշխատանքներ իրականացնել թվով 25 մանկապարտեզներում, վերանորոգման աշխատանքներ իրականացնել Նորք-Մարաշ վարչական շրջանի հ.5 և Ավան վարչական շրջանի հ.12 պոլիկլինկաներում, ինչպես նաև իրականացնել Աշտարակի խճուղու արտաքին լուսավորության կառուցման Կիևյան փողոցի հ.հ.4, 6, 8, 10 շենքերի միացյալ բակի բարեկարգման աշխատանքներ:
Իրականացվում են Աթենքի փողոցի քարաթափման կանխարգելման, Բագրատունյաց փողոցում վերգետնյա հետիոտնային անցման ապամոնտաժման, բակային տարածքների մանկական խաղահրապարակներում workout մարզաձևը զարգացնելու նպատակով նախագծանախահաշվային փաստաթղթերի կազմման աշխատանքներ:
Շահագործման է հանձնվել հ.36 մսուր-մանկապարտեզ ՀՈԱԿ-ն ամբողջությամբ հիմնանորոգված և ներկայումս ընթանում է բակի բարեկարգման աշխատանքերը:
Շարունակական են նաև Երևանի կամուրջների և կամրջային կառուցվածքների շահագործման, սպասարկման ծառայությունների, մայթերի սալիկապատման, վթարային շենքերի հետազոտման ինչպես նաև մետաղական ճաղավանդակների տեղադրման աշխատանքների ծրագրերը:

 

Երևանի քաղաքապետարանի աշխատակազմի շինարարության և բարեկարգման վարչության 2021թ. ծրագրերով իրականացված աշխատանքներ

 

2021 թվականին 2022թ.-ի աշխատանքային ծրագրերով իրականացվել են մի շարք կարևորագույն աշխատանքներ, մասնավորապես Մյասնիկյան պողոտայի և Սարալանջի խճուղու վտանգավոր հատվածներում քարաթափման կանխարգելման, Աթենքի և Կողբացի փողոցների մայթերի հիմնանորոգման (սալիկապատման), թվով 8 պոլիկլինիկաներում վերանորոգման, հիդրատների կառուցման «Բարեկամության» մետրո կայարանի ստորգետնյա հետիոտն անցման երկու մուտքերի աստիճանների վերանորոգման աշխատանքներ: Ավարտին են հասցվել Ռայնիսի փողոցի հ.1 շենքի վթարավտանգ պատի ամրացման, տանիքի հիմնանորոգման, ինչպես նաև Նազարբեկյան հ.48 շենքի տանիքի և 9-րդ հարկի հիմնանորոգման, Հանրապետության հրապարակի վերգետնյա հատվածի վերանորոգման (1-ին փուլ), Աբովյան պուրակի 21 հասցեի բակի բարեկարգման, Կորեայի ձորում նոր կամրջի կառուցման աշխատանքները:
2021թ.-ին շարունակական են եղել նաև մայրաքաղաքի 12 վարչական շրջաններում փողոցների և մայթերի ասֆալտապատման, փոսանորոգման ինչպես նաև գրունտային ճանապարհների հիմնանորոգման աշխատանքները, Երևանի կամուրջների և կամրջային կառուցվածքների շահագործման, սպասարկման ծառայությունների, վթարային շենքերի հետազոտման ինչպես նաև մետաղական ճաղավանդակների տեղադրման աշխատանքների ծրագրերը: