ԵՐԵՎԱՆԻ ՔԱՂԱՔԱՊԵՏԱՐԱՆ

ՊԱՇՏՈՆԱԿԱՆ ԿԱՅՔ

ընդլայնված որոնում

Արտաքին ձևավորում և գովազդ

Վարչության գործառույթներ

Երևանի քաղաքապետարանի աշխատակազմի արտաքին ձևավորման և գովազդի վարչությունը ղեկավարվում է Հայաստանի Հանրապետության օրենսդրությամբ Երևան քաղաքի ավագանու որոշումներով, Երևանի քաղաքապետի որոշումներով ու կարգադրություններով։

 

Ամփոփվել են Երևանի ամանորյա տոնական ձևավորման մրցույթի արդյունքները

 

Երևանի քաղաքապետի տեղակալ Դավիթ Օհանյանը Ամանորի և Սուրբ ծննդյան տոների առիթով հայտարարված «Ամանորյա լավագույն ձևավորում» ամենամյա մրցույթի հաղթողներին է հանձնել Երևանի քաղաքապետի շնորհակալագրերն ու խորհրդանշական հուշանվերները:
Մրցույթն այս տարի անցկացվել է երեք անվանակարգով՝ «Լավագույն տոնական ձևավորված կազմակերպություն», «Լավագույն տոնական ձևավորված պատշգամբ» և «Լավագույն տոնական ձևավորված վարչական շրջան»:
«Լավագույն տոնական ձևավորված կազմակերպություն» անվանակարգում առաջին տեղը զբաղեցրել է «Երևան Մոլ» առևտրի և զվարճանքի համալիրը, 2-րդ մրցանակը հանձնվել է «Կինո Հայաստան» ժամանցի կենտրոնին և լավագույն եռյակը եզրափակել է «Պանդոկ Երևան» ռեստորանային ցանցը: Ամանորյա ձևավորմամբ աչքի ընկած անհատ այլ ձեռներեցներ ու կազմակերպություններ ևս պարգևատրվել են Երևանի քաղաքապետի շնորհակալագրերով:
«Լավագույն տոնական ձևավորված պատշգամբ» անվանակարգում լավագույնն է ճանաչվել քաղաքացի Ալինա Կարապետյան-Հովակիմյանի ձևավորած պատշգամբը:
Երևան քաղաքի ամանորյա ձևավորման մրցույթի «Լավագույն տոնական ձևավորված վարչական շրջան» անվանակարգում 2-րդ տարին անընդմեջ հաղթող է ճանաչվել Մալաթիա-Սեբաստիա վարչական շրջանը:

 

 

Բանակի օրվա առթիվ և ընթացիկ

 

Հունվարի 28-ին՝ Բանակի օրվա առիթով քաղաքում կազմակերպվել է օրվա ոգուն համապատասխան ձևավորում, ինչպես նաև տեղադրվել են դրոշակներ:
Ըստ ժամանակացույցի՝ դպրոցներում, մանկապարտեզներում և փողոցների խաչմերուկներում տեղադրված հիմնային պատվանդանների վրա փոխարինվել են դրոշները, ընդհանուր առմամբ՝ 529 հատ։

 

Հայտարարվել է «Ամանորի լավագույն ձևավորում» ամենամյա մրցույթը

 

Մայրաքաղաքի գլխավոր տոնածառի լույսերի միացմանը զուգահեռ` դեկտեմբերի 19-ից լուսավորվել են նաև վարչական շրջանների տոնածառերը, գործարկվել են գլխավոր ու երկրորդական փողոցներում տեղադրված տոնական լուսավորության համակարգերն ու մայրաքաղաքի լուսադիոդային տոնական զարդերն ու շատրվանները:
Գեղարվեստական լուսային ձևավորում են ստացել նաև վարչական շրջանների այգիներն ու պուրակները:
Արտաքին ձևավորման և գովազդի վարչությունից տեղեկացնում են, որ ընդհանուր առմամբ ձևավորման աշխատանքներ են իրականացվել քաղաքի 45 փողոցում, տոնական լուսաշղթաներով ձևավորվել է 1400 ծառ, 33 կամար, մի շարք կամուրջներ, տեղադրվել են լուսադիոդային շատրվաններ և տոնական զարդարանքներ:
Այս տարվա նորամուծություն-նվերը երևանցիներին Ազատության հրապարակում տեղակայված «Սառցե քաղաք» Ամանորի հեքիաթային ծրագիրն է: Առաջին անգամ անցկացվող այս ծրագրի շնորհիվ հրապարակը վերածվել է հեքիաթային քաղաքի. այցելուները կտեսնեն սառցե քանդակներ, Ձմեռ պապի տնակը, դղյակներ։ Մայրաքաղաքում տոնական միջոցառումները կշարունակվեն մինչև 2017թ. հունվարի 13-ը ներառյալ:
Հիշեցնենք նաև, որ Երևանի քաղաքապետարանը հիմնական 3 անվանակարգերում հայտարարել է «Ամանորի լավագույն ձևավորում» ամենամյա մրցույթը:
«Ամանորի լավագույն ձևավորում» մրցույթի արդյունքների ամփոփումն ու մրցանակաբաշխությունը կկայանա 2017թ. հունվարին:

 

 

Լուսանկարներ