Հավելված հ.1
Երևանի քաղաքապետի
2024թ.    մարտի        1-ի
                                                                                                    հ.  832 -Ա որոշման
    
«Հավելված հ.3
Երևանի քաղաքապետի
2015 թվականի հունիսի 4-ի
Հ. 1704-Ա որոշման

         Կ Ա Ն Ո Ն Ա Դ Ր ՈՒ Թ Յ Ո Ւ Ն

ԵՐԵՎԱՆԻ ՔԱՂԱՔԱՊԵՏԱՐԱՆԻ ԱՇԽԱՏԱԿԱԶՄԻ ԱՌԵՎՏՐԻ, ԾԱՌԱՅՈՒԹՅՈՒՆՆԵՐԻ ԵՎ ԳՈՎԱԶԴԻ ՎԱՐՉՈՒԹՅԱՆ

1. ԸՆԴՀԱՆՈՒՐ ԴՐՈՒՅԹՆԵՐ

         1.Երևանի քաղաքապետարանի /այսուհետ՝ քաղաքապետարան/ աշխատակազմի առևտրի, ծառայությունների և գովազդի վարչությունը /այսուհետ՝ վարչություն/ քաղաքապետարանի կառուցվածքով նախատեսված կառուցվածքային ստորաբաժանում է և ենթարկվում է Երևանի քաղաքապետին:
2. Վարչության աշխատանքների համակարգումը Երևանի քաղաքապետի կողմից կարող է հանձնարարվել Երևանի քաղաքապետի տեղակալներից մեկին կամ Երևանի քաղաքապետարանի այլ ղեկավար պաշտոնատար անձի:
3. Վարչությունը ղեկավարվում է Հայաստանի Հանրապետության օրենսդրությամբ, Երևանի ավագանու որոշումներով և Երևանի քաղաքապետի իրավական ակտերով, քաղաքապետարանի կանոնադրությամբ և սույն կանոնադրությամբ, ինչպես նաև այլ նորմատիվ իրավական ակտերով։
4. Վարչության պահպանման ծախսերը ֆինանսավորվում են Երևանի բյուջեից:
5. Վարչությունը «Վարչարարության հիմունքների և վարչական վարույթի մասին» ՀՀ օրենքին և այլ նորմատիվ իրավական ակտերին համապատասխան ապահովում է վարչական վարույթի իրականացումը:
6. Վարչությունը կարող է ունենալ Երևանի զինանշանի պատկերով և իր անվամբ կնիք, դրոշմակնիք և ձևաթղթեր:

       2. ՎԱՐՉՈՒԹՅԱՆ ՆՊԱՏԱԿԸ ԵՎ ՀԻՄՆԱԿԱՆ ԳՈՐԾԱՌՈՒՅԹՆԵՐԸ

7.Վարչության նպատակն առևտրի, ծառայությունների և գովազդի ոլորտներում Երևանի քաղաքապետին վերապահված լիազորությունների իրականացման                ապահովումն է:
8. Վարչության խնդիրները և գործառույթները բխում են առևտրի, ծառայությունների և գովազդի ոլորտներում նորմատիվ իրավական ակտերով Երևանի քաղաքապետին վերապահած լիազորություններից և կոչված են դրանց կենսագործմանը և /կամ/ իրականացմանը։
9. Վարչությունը քաղաքապետին վերապահած լիազորությունների շրջանակում իրականացնում է հետևյալ գործառույթները․
1)մշակում է Երևանի ավագանու և քաղաքապետի որոշումների, կարգադրությունների նախագծեր և դրանք ներկայացնում քաղաքապետին,
2)ապահովում է Երևանի ավագանու և քաղաքապետի որոշումների, կարգադրությունների կատարումն ու դրանց հսկողությունը,
3) առևտրի, ծառայությունների և գովազդի ոլորտներում հիմնավորված միկրո և մակրո քաղաքականություն վարելու նպատակով՝ ուսումնասիրում և վերլուծում է Երևան քաղաքում առևտրի, ծառայությունների և գովազդի ոլորտներում տիրող իրավիճակը, բացահայտում հրատապ լուծում պահանջող հարցերը, դրանց մասին քաղաքապետին է ներկայացնում առաջարկություններ՝ զեկուցագրերի, որոշումների և կարգադրությունների նախագծերի տեսքով,
4) մշակում և քաղաքապետի հաստատմանն է ներկայացնում վարչության աշխատանքային տարեկան և եռամսյակային ծրագրերը, ապահովում դրանց կատարումը, արդյունքների մասին զեկուցում քաղաքապետին,
5) իր իրավասության սահմաններում վերահսկում է Հայաստանի Հանրապետության օրենսդրության պահանջների կատարումը և դրանց խախտման փաստերի մասին տեղեկացնում քաղաքապետին,
6) մշակում և ներկայացնում է առաջարկություններ առևտրի, ծառայությունների և գովազդի ոլորտներին առնչվող Հայաստանի Հանրապետության օրենսդրության կատարելագործման վերաբերյալ,
7) Հայաստանի Հանրապետության օրենսդրությամբ սահմանված կարգով ընթացք է տալիս քաղաքացիների առաջարկություններին, դիմումներին և բողոքներին,
8) կատարում է քաղաքապետի, ինչպես նաև վարչության աշխատանքները համակարգող պաշտոնատար անձի հանձնարարականները,
9) առևտրի, ծառայությունների և գովազդի ոլորտներում ապահովում է քաղաքապետի գործունեության արդյունավետությունը և օպերատիվությունը, 
10) Հայաստանի Հանրապետության օրենսդրությամբ սահմանված կարգով վերահսկողություն է իրականացնում առևտրի, ծառայությունների և գովազդի ոլորտներում վարչական շրջանների ղեկավարներին օրենքով սահմանված կարգով պատվիրակված լիազորությունների կատարման ընթացքի և պարտադիր լիազորությունների կատարման նկատմամբ,
11) ՀՀ համայնքային ծառայության մասին օրենքով սահմանված լիազոր անձանց ներկայացնում է առաջարկություններ Երևանի վարչական շրջանների ղեկավարների աշխատակազմերի առևտրի, ծառայությունների և գովազդի ոլորտների աշխատողների նկատմամբ խրախուսանքի և կարգապահական տույժ նշանակելու վերաբերյալ,
12) օրենքով վերապահված լիազորությունների շրջանակներում հսկողություն է իրականացնում առևտրի, հանրային սննդի, սահմանափակման ենթակա, կենցաղային ծառայությունների և գովազդի ոլորտներում,
13) Երևանի ավագանու սահմանած կարգով և չափորոշիչներին համապատասխան՝ դիմումի հիման վրա առաջարկություններ է ներկայացնում քաղաքապետին առևտրի և սպասարկման ոլորտի կազմակերպություններին որակի աստիճաններ շնորհելու մասին,
14) առևտրի, ծառայությունների և գովազդի ոլորտներում իրականացնում է հսկողություն և վերահսկողություն «Առևտրի և ծառայությունների մասին» և «Գովազդի մասին» օրենքների և նորմատիվ իրավական այլ ակտերի պահանջների կատարման նկատմամբ,
15) իրեն տրված լիազորությունների սահմաններում իրականացնում է վարչական իրավախախտումների վերաբերյալ օրենսգրքի համապատասխան հոդվածներով նախատեսված խախտումների փաստերի արձանագրումը և վարչական իրավախախտումների վերաբերյալ կազմված նյութերը ներկայացնում է քաղաքապետին,
16) իրականացնում է օրենքների, ՀՀ կառավարության, Երևանի ավագանու և քաղաքապետի որոշումներով, կարգադրություններով սահմանված առևտրի, ծառայությունների և գովազդի ոլորտների կանոնակարգմանն ուղղված այլ միջոցառումներ,     
17) վարչությունն իրավասու է Երևանի քաղաքապետարանի աշխատակազմի կառուցվածքային ստորաբաժանումներից, կազմակերպություններից և պաշտոնատար անձանցից, ինչպես նաև վարչական շրջանների ղեկավարների աշխատակազմերից ստանալ իրեն վերապահված գործառույթներն իրականացնելու համար անհրաժեշտ փաստաթղթեր և տեղեկություններ,
18) համակարգում է Երևանի վարչական շրջանների առևտրի, ծառայությունների և գովազդի ոլորտների բաժիների աշխատանքները,
19) համակարգում է իր ոլորտների Երևանի քաղաքային ենթակայության կազմակերպությունների աշխատանքը, 
20) իրականացնում է Երևանի քաղաքային ենթակայության կազմակերպությունների կողմից առևտրի, ծառայությունների և գովազդի ոլորտներում ղեկավարման մեթոդների մշակում և դրանց նկատմամբ հսկողությունը,
21) վարչության կողմից համակարգվող կազմակերպությունների ղեկավարների թեկնածուներ է առաջադրում քաղաքապետին։

3. ՎԱՐՉՈՒԹՅԱՆ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ

10. Վարչության կառուցվածքը և հաստիքները քաղաքապետի ներկայացմամբ հաստատում է Երևանի ավագանին:
11. Վարչությունը կազմված է՝ Վարչության պետ, Վարչության պետի տեղակալներ, առևտրի և ծառայությունների բաժնի պետ, գովազդի բաժնի պետ, գլխավոր, առաջատար, առաջին կարգի մասնագետներ և տեխնիկական աշխատակիցներ:
12. Վարչության պետին և վարչության աշխատակիցներին աշխատանքի նշանակում և ազատում է «Համայնքային ծառայության մասին» օրենքով սահմանված կարգով և ՀՀ աշխատանքային օրենսգրքով լիազորություն ունեցող պաշտոնատար անձը:
13. Վարչության գործունեությունը ղեկավարում է վարչության պետը և դրա համար կրում է պատասխանատվություն:
14. Վարչության պետի, վարչության պետի տեղակալների, բաժնի պետերի, բաժինների մասնագետների իրավունքները և պարտականությունները «Համայնքային ծառայության մասին» օրենքով սահմանված կարգով սահմանվում են տվյալ պաշտոնի անձնագրով։
15. Վարչության պետի բացակայության դեպքում նրա պարտականությունների ստանձման հարցը կարգավորվում է «Համայնքային ծառայության մասին» օրենքով սահմանված կարգով։
16. Վարչության պետը՝
1) կազմակերպում է վարչության ընդհանուր գործունեությունը,
2) ապահովում է վարչության իրավասությանը վերաբերվող նորմատիվ իրավական ակտերի, Երևանի քաղաքապետի և /կամ/ վարչության աշխատանքները համակարգող քաղաքապետարանի պաշտոնատար անձի հանձնարարությունների և ցուցումների կատարումը,
3) վարչության աշխատողների միջև կատարում է պարտականությունների բաշխում, աշխատողներին տալիս է պարտադիր կատարման աշխատանքային ցուցումներ և հանձնարարություններ, նրանց ներկայացնում է խրախուսման և կարգապահական տույժի,
4) ստորագրում է վարչության կողմից տրվող փաստաթղթերը, նշագրում է Երևանի ավագանու և քաղաքապետի որոշումների, կարգադրությունների նախագծերը,
5) իրականացնում է վարչության աշխատանքների ղեկավարման հետ կապված այլ լիազորություններ,
6) ղեկավարում և ապահովում է վարչության աշխատակիցների մասնակցությունը համաքաղաքային և պետական միջոցառումներին: